Biagio De Cicco

Cume chiangiétte quanne fuoi'accéise!

Sott'a 'nu puoce, 'nda 'nu bbèlle iouse,
Graziètte se crescéive 'nu purciédde...,
uh, iànch'e rrusse, cu' l'uocchie scazzouse,
e ttunne-tunne, addriét'a 'nu canciédde.
Me l'arrecòrde piccele, criouse:
venéiie 'mbrazze ra lu Muleniédde...
E nnòtt'e gghiuorne, quése sèmpe 'nchiouse,
paréive rassiggnéte, poveriédde!
Méi'a la zòuche, quanne stéive fuore:
se pulezzève ddà lu vavetòune,
quése cuntènte... I', mò, lu pènz'ancuore,
cu' lu musse 'nguacchiéte ré pastòune...
"Puot'èsse ca tu 'ngròsse, pecché mmuore"
m'addummannève tanne; iére uagliòune !...