Guglielmo De Finis

La semmene

Buona sere a vvouie che Ddeie Lu vvuole,
chi ve saloute iè Ggiuanne l'Acquaiuole!
Me recorde, poveriedde,
quanne ievene a semmenè a lu Muleniedde.
S'alezavene prieste a la mateine:
chi prepareve la zappe e chi lu prurent,
chi li moule, li cullere, lu valanzuloune,
la verghe e lu ratèin.

Carecavene li moule e se mettevene 'ncameine.
Arrevete sop'a lluoghe
roppe fatte tutte dda veie, poveriedde,
scarecavene li moule
e se repusaven nu ppuoche.

Roppe repusete, se mettierene a ffateie:
chi cumpasseve la terre e metteive li smagnoune,
chi 'nzulecheve e chi semmeneve addriete:
la terre iere scommete e chepa alt,
gramegne asseie e tanta cazze re priete!

Ra la mateine tocca tocca fine
a mezziurne senza soste;
pigliarene la vesazze
e se ierene a pigliè nu muzzeche,
leste leste, nu fiasche re veine
na scanete re pene, roie auleive
e nu puoche re cumposte.

Fenoute re mangè,
luarene le sacchette a li moule
e se mettierene a ffateie,
e chi areve nnanze e chi stempeve addriete,
lu tiempe stezzechieve,
poveriedde cu li reine nfusse sdechianete,
pregavene a Ddeie ca s'aveva fenesce
la porca semmenete.

Fenoute re semmenè, arrecettarene.
Carecarene li moule
e se mettierene 'ncameine,
pe la veie tutte stanche e strutte, poveriedde,
Ddeie lu sepe p'arrevè a Bbueine!